रास्वपाका उम्मेदवारले मतदातालाई देश विरोधी भनेपछि...

राष्ट्रिय स्वतन्त्र पार्टी (रास्वपा)बाट सुनसरी क्षेत्र नम्बर ३ का प्रतिनिधिसभा उम्मेदवार अशोक चौधरीले कार्यक्रममा सहभागीलाई देश विरोधी भनेपछि विवाद भएको छ।

बिहीबार इटहरी जेसीजको आयोजनामा सम्पन्न सुनसरी क्षेत्र नं २ र ३ का उम्मेदवार बिचको ककस कार्यक्रमको अन्त्यमा चौधरीले दिएको अभिव्यक्तिप्रति सहभागीहरू आक्रोशित बनेका थिए। कार्यक्रममा बोल्दै चौधरीले कुनै पनि दलको स्पष्ट बहुमत नआए दलहरू मिलेर सरकार गठन गर्नुपर्ने बताएका थिए।