सेमिफाइनल र फाइनलमा म्यान अफ द म्याच घोषित हुने चौथो खेलाडी बने हेड

अहमदाबाद । अष्ट्रेलियाका ट्राभिस हेड सेमिफाइनल र फाइनल दुवैमा म्यान अफ द म्याचको अवार्ड जित्ने छनोट खेलाडीको सूचीमा परेका छन् । २०२३ मा ट्राभिस हेड पहिले सेमिफाइनलमा दक्षिण अफ्रिका विरुद्ध र अहिले फाइनलमा भारत विरुद्ध म्यान अफ द म्याच बने ।

हेडको यो उपलब्धि अघि तीन खेलाडीले मात्रै हासिल गरेका थिए । यसअघि सन् १९८३ मा मोहिन्दर अमरनाथ, १९९६ मा अरविन्द डी सिल्भा र १९९९ मा शेन वार्न सेमिफाइनल र फाइनल दुवै खेलमा म्यान अफ द म्याच भए ।