बालेन नेतृत्वको १७ सदस्यीय मन्त्रिपरिषद्,: गृहमन्त्री सुधनलाई पाँचौ वरीयता, महावीर आठौँमा

काठमाडौँ –मन्त्रिपरिषद् पुनर्गठनसँगै नियुक्त भएका दुई मन्त्रीको वरियता क्रमसमेत निर्धारण गरिएको छ।

राष्ट्रपति कार्यालयले सार्वजनिक गरेको कार्यविभाजनअनुसार गृहमन्त्री नियुक्त भएका सुधन गुरुङ मन्त्रिपरिषद्को पाँचौँ वरियतामा रहेका छन् भने विज्ञान, प्रविधि तथा नवप्रवर्तन मन्त्री महावीर पुन आठौँ वरियतामा परेका छन्।

प्रधानमन्त्री वालेन्द्र शाहको सिफारिसमा नेपालको संविधानको धारा ७६ को उपधारा (९) बमोजिम मौजुदा मन्त्रिपरिषद्मा नियुक्ति, हेरफेर र कार्यविभाजन गरिएको हो। सोही क्रममा गुरुङलाई गृह मन्त्रालय र पुनलाई विज्ञान, प्रविधि तथा नवप्रवर्तन मन्त्रालयको जिम्मेवारी दिइएको छ।

राष्ट्रपति कार्यालयका अनुसार मंगलबार राष्ट्रपति भवनमा आयोजित विशेष समारोहमा नवनियुक्त दुवै मन्त्रीले नेपालको संविधानको धारा ८० बमोजिम पद तथा गोपनीयताको शपथ ग्रहण गरेका छन्।

प्रकाशित मिति: मंगलबार, जेठ २६, २०८३

१८:०४