केपी ओलीकपको उपाधि तेस्रोपटक मच्छिन्द्रलाई

काठमाडौं । केपी ओलीकप फुटबल प्रतियोगिताको उपाधि लगातार तेस्रोपटक मच्छिन्द्र फुटबल क्लबले जितेको छ । त्रिपुरेश्वरस्थित दशरथ रंगशालामा सोमबार साँझ सम्पन्न खेलमा त्रिभुवन आर्मी क्लबलाई २–० गोलअन्तरले हराउँदै मच्छिन्द्रले केपी ओलीकपमा उपाधि ह्याट्रिक गरेको हो ।

उपाधिसँगै मच्छिन्द्रले १५ लाख ११ हजार १ सय ११ रुपैयाँ प्राप्त गरेको छ । उपविजेता आर्मीले ५ लाख रुपैयाँमै चित्त बुझायो ।