मुख्य सामग्रीमा जानुहोस्

समाचार

देश

वैदेशिक सहयोगको प्रभावकारिता

rajdhanidaily.com · Thu Mar 03 23:28:00 GMT 2022

प्रतिनिधिसभाबाट २०७८ साल फागुन १५ गते ५० करोड डलर बराबरको अमेरिकी अनुदान सहयोग मिलेनियम च्यालेन्ज कर्पोरेसन लामो राजनीतिक वादविवादपछि पारित भएसँगै समयसीमाबद्ध विकास सहयोग आरम्भ भएकोछ । वैदेशिक सहयताको उपयोग गरी समयभित्र परिणाम प्राप्त गर्ने जिम्मेवारी र चुनौती राजनीतिक नेतृत्व सरकार र कर्मचारीतन्त्रको अगाडि आएकोछ । विधायिकाबाट पारित विकास सहायता कानुनसरह हुने भएकाले सरकारी संयन्त्र जिम्मेवार र उत्तरदायी भएर सहयताको उपयोग गर्न र निर्धारित परिणाम प्राप्त गर्न समयमा नै जुटनुपर्ने भएकोछ ।

देशमा सर्वसुलभ आधारभूत पूर्वाधार निर्माण, संघीय शासन प्रणालीको सुदृढीकरण, उत्पादनशील एवं मर्यादित रोजगारी, सामाजिक–आर्थिक रूपान्तरण, उच्च तथा दिगो आर्थिक वृद्धि र गरिबी निवारण गरी समृद्धिको आधार निर्माण गर्ने तथा शान्ति, सुरक्षा, सामाजिक न्याय तथा सुदृढ राष्ट्रिय एकता, गुणस्तरीय तथा जवाफदेही सार्वजनिक सेवा र स्वस्थ तथा सन्तुलित वातावरण कायम गरी नागरिकलाई परिष्कृत र मर्यादित जीवनको अनुभूति दिलाउने राष्ट्रिय उद्देश्य रहेकोछ । देश विकास र समृद्धिको लक्ष्य लिएर अगाडि बढेको भए पनि सो प्राप्त गर्न बचत, लगानी, प्रविधि प्रयोग, वैदेशिक व्यापार र व्यवस्थापनको ज्ञानमा ग्याप देखिएकोछ । देशको विकास गतिले पछौटेपनलाई नामेट पार्न सकेको छैन । राजस्व संकलनको आकार खर्चको तुलनामा सानो छ । राजस्व बचत सीमित हुने तर, विकास कार्यमा ठूलो लगानी गर्नुपर्ने हुँदा आर्थिक–सामाजिक विकासमा अन्तर्राष्ट्रिय आर्थिक सहायताको भूमिका महŒवपूर्ण रहँदै आएकोछ ।

स्रोतमा पूरा पढ्नुहोस् (rajdhanidaily.com)