पर्सा १ का मतदाता रिझाउन घरदैलोमा उम्मेद्वारहरु

वीरगन्ज । ‘आश्वासनका पोका’ स-याउँदै मतदाता रिझाउन पर्सा १ का उम्मेद्वार पनि मतदाताको घरदैलोमा पुग्न थालेका छन् । २०८४ मा हुनुपर्ने निर्धारित निर्वाचन मिति सरेर २०८२ फागुन २१ मा हुने भएपछि आश्वासनका पोका गुजुल्ट्याउँदै मतदाताको घर दैलोमा उनीहरु बाड्न पुगेका हुन् ।

पुराना दलका उमेद्वार विगतका आश्वासनका पोकाको धुलो टक्टक्याउँदै नयाँ रंग घसेर मतदाताको घर आँगनमा निढुक्क मत माग्दैछन् । जसमा नेपाली काँग्रेसका उमेद्वार अनिल रुंगटा लागि परेका छन् । उनको सरल व्यवहार प्रति मतदाता पनि चिढिएका छैनन् ।