विप्रेषण आप्रवाहमा ४१ प्रतिशतको ऐतिहासिक छलाङ, १० महिनामै भित्रियो १९ खर्ब १६ अर्ब रेमिट्यान्स

काठमाडौँ । वैदेशिक रोजगारीमा गएका नेपालीहरूले पठाउने विप्रेषण (रेमिट्यान्स) आप्रवाहमा उल्लेख्य वृद्धि भएको छ। नेपाल राष्ट्र बैंकका अनुसार चालु आर्थिक वर्ष २०८२/८३ को पहिलो दश महिना (साउनदेखि वैशाखसम्म) मा रेमिट्यान्स आप्रवाह ४१.२ प्रतिशतले बढेर १९ खर्ब १६ अर्ब ९० करोड रुपैयाँ पुगेको छ । अघिल्लो वर्षको सोही अवधिमा विप्रेषण आप्रवाह १३.३ प्रतिशतले मात्र बढेको थियो ।

अमेरिकी डलरमा पनि रेमिट्यान्स आप्रवाह ३३.० प्रतिशतले वृद्धि भई १३ अर्ब २६ करोड डलर पुगेको छ । समीक्षा अवधिमा वैशाख महिनामा मात्रै २ खर्ब ५७ अर्ब ४९ करोड रुपैयाँ रेमिट्यान्स नेपाल भित्रिएको छ। अघिल्लो वर्षको वैशाख महिनामा १ खर्ब ६५ अर्ब ३० करोड रुपैयाँ मात्र भित्रिएको थियो।