सरकारसँग सहमति भएपछि वैदेशिक रोजगार व्यवसायीको आन्दोलन फिर्ता

काठमाडौं । सरकारसँग सहमति भएपछि नेपाल वैदेशिक रोजगार व्यवसायी संघले साउन २२ गतेदेखि सञ्चालन गर्दै आएको आन्दोलनका सबै कार्यक्रम फिर्ता लिएको छ। संघले भदौ १ गतेदेखि गन्तव्य मुलुकमा श्रमिक पठाउन रोक्ने घोषणा गरेको भए पनि युवा, श्रम तथा रोजगार मन्त्रालयसँगको छलफलपछि उक्त निर्णय फिर्ता लिएको हो।

भदौ १ गते मन्त्रालयमा मन्त्री र सचिवसहित संघका अध्यक्ष, सल्लाहकार तथा पदाधिकारीबीच भएको छलफलमा संघले अघि सारेका १५ बुँदे मागका विषयमा सहमति भएको मन्त्रालयले जनाएको छ।