ललितपुरको चक्रपथमा स्मार्ट स्ट्रिट लाइट जडान, बुधबार शुभारम्भ हुने

काठमाडौँ । ललितपुर महानगरपालिकाले महानगर क्षेत्रभित्र पर्ने ७ दशमलव ९ किलोमिटर चक्रपथमा स्मार्ट स्ट्रिट लाइट जडान कार्य सम्पन्न गरेको छ। महानगरप्रमुख चिरिबाबु महर्जनका अनुसार बालकुमारीदेखि बल्खु हुँदै सानेपासम्मको चक्रपथ क्षेत्रमा यो प्रणाली जडान गरिएको हो।

नेपालमै पहिलोपटक यस्तो स्मार्ट स्ट्रिट लाइट प्रणाली जडान गरिएको दाबी गर्दै महानगर प्रमुख महर्जनले जडान कार्य सकिएसँगै अब उद्घाटनको तयारी गरिएको जानकारी दिएका छन्। सोमबार आयोजित चिकित्सकसहितको एम्बुलेन्स सेवा शुभारम्भ कार्यक्रममा बोल्दै उनले आउँदो बुधबार बेलुका बालकुमारी पुलबाट बटन थिचेर बत्ती बालेर यसको औपचारिक शुभारम्भ गरिने बताएका छन्।