डीएभी र पुलिस स्कुलबीच रोकिएको फाइनल बुधबार हुने

काठमाडाैं ।

मंगलवार वर्षाका कारण स्थगित भएको तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगिताको फाइनल बुधवार पुन: हुने भएको छ । मंगलवार वर्षाका कारण फाइनल खेल रोकिनु अघि नेपाल पुलिस स्कुलले निर्धारित २० ओभरमा ८ विकेट गुमाउँदै १०१ रन बनायो । माथिल्लाे मूलपानी क्रिकेट मैदानमा टस जितेर पहिले ब्याटिङ गरेको पुलिसका लागि मोहम्मद अब्बास साफीले अविजित ३३ रन बनाए भने श्याम बाबु ठाकुरले १२ र आशुतोष मिश्रले १० रनको योगदान दिए ।