मण्डलामा ‘लाहुरी भैंसी’ [तस्वीरहरू]

काठमाडौं । वि.सं. २०१६–२०१७ तिर कथाकार रमेश विकलद्वारा लिखित तथा मदन पुरस्कार विजेता कथासङ्ग्रह ‘नयाँ सडकको गीत’ मा समावेश कथा ‘लाहुरी भैंसी’ यही जेठ २२ गतेदेखि मण्डला थिएटर, थापागाउँमा मञ्चन भइरहेको छ ।

ए जे बब स्टुडियो र क्रुक इन्टरटेनमेन्टको प्रस्तुति रहेको यो नाटकले सीमान्तकृत समुदायका लुखुरे र उनको परिवारले एउटा भैंसी किन्न गरेको संघर्षमार्फत् नेपाली ग्रामीण समाजको वर्गीय संरचना, शोषण र शक्ति सम्बन्धको यथार्थ उजागर गर्छ ।