बागमतीका मुख्यमन्त्री इन्द्र बानियाँले दिए राजीनामा

हेटौँडा- बागमती प्रदेशका मुख्यमन्त्री इन्द्रबहादुर बानियाँले पदबाट राजीनामा दिएका छन्। सोमबार प्रदेश सभालाई सम्बोधन गर्दै राजीनामाको घोषणा गरेका बानियाँले लगत्तै प्रदेश प्रमुख दीपकप्रसाद देवकोटासमक्ष राजीनामा बुझाएका हुन्।

साउन ६ गते नेकपा एमालेले सरकारलाई दिएको समर्थन फिर्ता लिएपछि बानियाँ अल्पमतमा परेका थिए। विश्वासको मत लिन सोमबार प्रदेश सभा बैठक बोलाइएको भए पनि बहुमत जुट्ने अवस्था नदेखिएपछि उनले विश्वासको मत लिनुअघि नै राजीनामा दिएका हुन्।