नबोल्ने बालेनलाई संसदमा बोल्नैपर्ने सभामुखको रुलिङ !

प्रतिनिधिसभा नियमावलीअनुसार सांसदहरूले उठाएका प्रश्नको जवाफ दिन सभामुखले प्रधानमन्त्री बालेन शाहका नाममा रुलिङ गरेपछि विपक्षी दलहरूले ७८ दिनदेखि जारी राखेको विरोध फिर्ता लिएका छन्।

सोमबारको प्रतिनिधिसभा बैठक सुरु हुनासाथ विगतका बैठकमा झैँ विपक्षी दलका सांसदहरू विरोधका लागि उभिएका थिए। त्यसलगत्तै सभामुख डोलप्रसाद (डीपी) अर्यालले सभामा लामो समयदेखि प्रधानमन्त्री र उनको कार्यक्षेत्रसँग सम्बन्धित महत्त्वपूर्ण विषयमा प्रश्नोत्तरको माग गर्दै भइरहेको विरोधप्रति आफ्नो गम्भीर ध्यानाकर्षण भएको जनाउँदै औपचारिक रुलिङ गरेका हुन्।