सनातनी बजेट

वित्तीय संघीयता बलियो बनाउने उद्देश्य राखेको बजेटमा संघीयताका प्रतीक संस्थाहरू प्रदेश र स्थानीय सरकारहरूलाई बजेट घटाइएको छ।

परम्पराभन्दा माथि उठ्न चुक्दै अर्थमन्त्री प्रकाशशरण महतले प्रस्तुत गरेको आउँदो आर्थिक वर्षको बजेटले मन्दी छाएको अर्थतन्त्रलाई त्राण दिने आशा गर्ने ठाउँ कमै देखिन्छ। अर्थतन्त्र चलायमान बनाउन सरकारी खर्चसमेत वृद्धि गर्नुपर्ने सामान्य सिद्धान्त बिर्सेर पुँजीगत खर्च कटौती गरी बजेट ल्याएर अर्थमन्त्रीले सही बाटो लिन चुकेका छन्। नीति तथा कार्यक्रममा उद्घोष गरेविपरीत पुँजीगत खर्च कम गर्नुले नीति तथा कार्यक्रम भनेको बिरालो बाँध्नु मात्रै भएको सन्देश दिएका छन्।