कार्यवाहकको भरमा स्थानीय तह, नियमित निर्वाचन कुर्दै सरकार

प्रतिनिधिसभा निर्वाचनमा उम्मेदवारी दिन स्थानीय तहका प्रमुख तथा उपप्रमुखहरूले पद त्यागेपछि देशभरका १४ स्थानीय तह नेतृत्वविहीन बनेका छन्।

तर ती रिक्त स्थानीय तहमा उपनिर्वाचन गराउने विषयमा निर्वाचन आयोगले खास तत्परता देखाएको छैन। कानुनी व्यवस्था, बाँकी कार्यकालको अवधि तथा आर्थिक पक्षलाई आधार बनाएर सरकारले उपनिर्वाचनका लागि तयारी नगरेको देखिन्छ।