बीमा प्राधिकरणका पूर्वअध्यक्ष मदन दाहाललाई १५ लाख धरौटीमा छाड्न आदेश

काठमाडौँ । विशेष अदालतले नेपाल बीमा प्राधिकरणका तत्कालीन अध्यक्ष मदन दाहाललाई १५ लाख रुपैयाँ धरौटीमा छाड्न आदेश दिएको छ ।

सम्पत्ति शुद्धीकरण र भ्रष्टाचार आरोपमा मुद्दा दायर गरिएका दाहाललाई विशेष अदालतका न्यायाधीशहरू नारायणप्रसाद पौडेल, हेमन्त रावल र विदुर कोइरालाको इजलासले सोमबार धरौटीमा छाड्ने आदेश दिएको हो ।