निकुञ्जमा उच्च सतर्कता, १२ सयभन्दा बढी जनशक्ति परिचालन

काठमाडौँ। चाडपर्वको समयमा हुन सक्ने चोरी–शिकारी नियन्त्रणका लागि चितवन राष्ट्रिय निकुञ्जले विशेष सुरक्षा रणनीति तयार गरी उच्च सतर्कता अपनाएको छ। रणनीति अनुसार निकुञ्ज प्रशासन र सुरक्षार्थ खटिएको नेपाली सेना गरी १ हजार २ सयभन्दा बढी जनशक्ति परिचालन गरिने भएको छ।

निकुञ्जका सूचना अधिकारी अविनास थापा मगरका अनुसार चाडपर्वका बेला मानिसहरूको चहलपहल बढ्ने र स्थानीयवासी पर्व मनाउन लाग्दा चोरी–शिकारीको जोखिम उच्च रहने भएकाले विशेष कडाइ गरिएको हो। सुरक्षाका लागि हाल ३५ वटा ‘स्पाई क्यामेरा’ जडान गरिनुका साथै संवेदनशील क्षेत्रहरूमा क्याम्पिङ, एम्बुसिङ र लिङ्क पट्रोलिङको काम भइरहेको छ।