चिकित्सकको लापरबाहीले सुत्केरीको मृत्यु भएको भन्दै स्थानीय आन्दोलित

टीकापुर । कैलालीको गोदावरी नगरपालिकास्थित अत्तरियाका स्थानीय आन्दोलित भएका छन् । सो नगरपालिकास्थित मालाखेती अस्पतालका चिकित्सको लापरबाहीले सोमबार नवजात शिशुसहित सुत्केरी महिलाको मृत्यु भएको भन्दै उचित क्षतिपूर्तिको माग गर्दै उनीहरू आन्दोलित भएका हुन् ।

सोमबार गोदावरी नगरपालिका–२ कडायत टोलकी लक्ष्मी भट्टराई र उनका नवजात शिशुको मृत्यु भएको २४ घण्टा बितिसक्दा पनि शव उठेको छैन । उपचारमा लापरबाही भएको भन्दै आफन्तले शव बुझ्न मानेका छैनन् । अस्पताल प्रशासनसँग छलफल भए पनि माग पूरा नभएको पीडितको गुनासो छ ।