एकीकृत समाजवादीको राजनीतिक प्रतिवेदनमा अरूको आलोचना आफ्नो बचाऊ

काठमाडौं । नेकपा एकीकृत समाजवादीको शनिबार राजधानीमा शुरू भएको बैठकमा अध्यक्ष माधवकुमार नेपालले पेस गर्नुभएको प्रतिवेदनमा प्रतिनिधिसभामा प्रतिनिधित्व गर्ने सबैजसो दलको आलोचनात्मक समीक्षा गरिएको छ ।

२५ पृष्ठ लामो प्रतिवेदनमा अध्यक्ष नेपालले विभिन्न राजनीतिक आयामहरूको बारेमा चर्चा गर्नुभएको छ । वर्तमान राष्ट्रिय राजनीतिक परिस्थिति, राजनीतिक शक्तिहरू र अन्तर्राष्ट्रिय परिस्थितिका बारेमा समीक्षा गरिएको प्रतिवेदनमा सत्ता गठबन्धनदेखि प्रतिपक्षी दलहरूलाई समेत राजनीतिक आरोप लगाइएको छ । तर, उक्त प्रतिवेदनमा आफ्नो कमजोरीका बारेमा खासै उल्लेख गरिएको छैन ।