बालेन अस्वस्थ्य भएपछि सभापति लामिछानेसमेतले सम्बोधन गर्ने रास्वपाका दुई ठूला सभा स्थगित

काठमाडौं- बरिष्ठ नेता बालेन शाह अस्वस्थ्य भएपछि सभापति रवि लामिछानेसमेतले सम्बोधन गर्ने रास्वपाका दुई ठूला सभा स्थगित भएको छ ।

राष्ट्रिय स्वतन्त्र पार्टीले भैरहवा र पोखरामा आयोजन गर्न लागेको चुनावी सभा स्थगित गरेको हो ।

यही फागुन ९ गते भैरहवा र फागुन १० गते पोखरामा गर्न लागिएको चुनावी सभा स्थगित गरिएको पार्टीकी सहप्रवक्ता प्रतिभा रावलले जानकारी दिएकी छन् ।

उक्त स्थानका सभामा पार्टी सभापति रवि लामिछाने र वरिष्ठ नेता बालेन्द्र साले सम्बोधन गर्ने तालिका थियो । तर ती दुवै स्थानको सभा हाललाई स्थगित गरिएको रावलले बताइन् ।

बुधबार र बिहीबार रास्वपाले धनगढी र सुर्खेतको वीरेन्द्रनगरमा चुनावी सभा गरिसकेको छ। सुर्खेतको चुनावी सभामा सहभागी भएपछि रास्वपा वरिष्ठ नेता शाह बिरामी भएर काठमाडौं फर्किएका छन् ।

उता सभापति लामिछाने भने सुर्खेतबाट बाँके हुँदै दाङतिर चुनावी अभियान लिएर पुगेका छन् । उनी बिहीबार राति दाङको तुलसीपुरमा पुगेका थिए ।