गुगलको नयाँ सुविधा : एआई स्टुडियोबाट बनाएका एन्ड्रोइड एप नि:शुल्क प्ले स्टोरमा राख्न सकिने

ब्लूमबर्गका अनुसार, यो सुविधा गुगल एआई स्टुडियोमा निर्माण गरिएका एपका लागि उपलब्ध हुनेछ । यस्ता एप गुगल प्ले स्टोरमा निजी रूपमा सूचीबद्ध हुने भएकाले स्टोरको खोज परिणाम वा सिफारिसमा देखिने छैनन् । यसले आफ्नै प्रयोजनका लागि एप बनाउन चाहने प्रयोगकर्तालाई त्यसलाई वितरण गर्न सहज बनाउने अपेक्षा गरिएको छ ।

हाल गुगल प्ले स्टोरमा एप प्रकाशित गर्न विकासकर्ता खाता आवश्यक पर्छ, जसका लागि एकपटक २५ अमेरिकी डलर शुल्क तिर्नुपर्छ । गुगलको नयाँ व्यवस्थाले निजी रूपमा एप प्रकाशित गर्न चाहने प्रयोगकर्ताका लागि यो आर्थिक बाधा हटाउनेछ ।