शेयर बजारमा १५ अङ्कको गिरावट, कुन समूहका लगानीकर्ताले कति गुमाए ? 

काठमाडौँ / धितोपत्र बजारमा आज शेयर कारोबार मापक नेप्से परिसूचक १५ अङ्कले घटेको छ । नेपाल स्टक एक्सचेन्जका अनुसार नेप्से १५.५० अङ्कले घटेर दुई हजार ७२०.४३ मा पुगेको छ । यस्तै सेन्सेटिभ परिसूचक ५.२२ अङ्कले घटेर ५१७.९३ मा पुगेको छ ।

आज कूल २२८ कम्पनीका ६२ लाख ४७ हजार ७७४ कित्ता शेयर रु तीन अर्ब १३ करोड १२ लाख १० हजार २८२ मा खरिदबिक्री भयो । कारोबार भएका १३ उपमूहमध्ये जलविद्युत् र सामूहिक लगानी कोषको परिसूचक मात्र बढेको छ ।