शोकको घडीमा संयमित रूपमा चाडपर्व मनाउन पर्यटन व्यवसायी शेर्पाको आग्रह

काठमाडौं । यस वर्षको दशैँ तिहार र छठ पर्व संयमित रूपमा मनाउन पर्वतारोही तथा एशियन ट्रेकिङ प्रालिका संस्थापक अध्यक्ष आङ छिरिङ शेर्पाले आग्रह गरेका छन् । गत भदौ १० गते रसुवाको भोटेकोशी र यहि असोज २५ मा गोरखाको बूढीगण्डकी नदीमा आएको भिषणबाढीबाट ज्यान गुमाएका मानिसहरु प्रति सम्मान व्यक्त गर्दै यसवर्ष चाडपर्व मनाउनुपर्ने उनले बताए ।

देश शोकमा रहेका बेला चाडपर्वका नाममा तडकभडक नगरी अरूलाई असर नपर्ने गरी उत्सव मनाउनुपर्ने उनको भनाइ छ । दशैँ तिहार र छठको शुभकामना दिँदै उनले विपत्तिका कारण प्रभावित परिवार र समुदायको संवेदनशीलतालाई ध्यानमा राख्न सबैलाई अनुरोध गरेका हुन् ।