कुशीनगर प्रकरण : नेटवर्किङको आवरणमा ठग्ने थप १२ जना पक्राउ

काठमाडौँ । रोजगारीको अवसर दिने बहानामा नेपाली नागरिकहरूलाई झुटा आश्वासन दिएर भारतमा बन्धक बनाएको घटनामा संलग्न थप १२ जनालाई प्रहरीले पक्राउ गरेको छ । भारतीय प्रहरी, भारतस्थित नेपाली राजदूतावास र किन इन्डियासँगको समन्वयमा कञ्चनपुरको गड्डाचौकी हुँदै १२ जनालाई नेपाल ल्याएको सुदूरपश्चिम प्रदेश प्रहरी कार्यालयका एसएसपी पदम विष्टले रातोपाटीलाई बताए ।

यसअघि झुटा आश्वासन दिएर भारतमा बन्धक बनाएका ४५३ जना नागरिकलाई उद्धार गरेर नेपाल फर्काइएको थियो । उत्तर प्रदेशको कुशीनगरमा लगेर बन्धक बनाउने काममा नेपालीहरूको पनि संलग्नता देखिएको अनुसन्धानमा संलग्न प्रहरी अधिकृतहरू बताउँछन् ।