दरबार हत्याकाण्डको फाइल पुन: खोल्ने गृहमन्त्रीको निर्णय

काठमाडौं । नवनियुक्त गृहमन्त्री सुधन गुरुङले दरबार हत्याकाण्डको फाइल पुन: खोल्ने निर्णय गरेका छन् ।

मंगलबार सिंहदरबारमा पदभार सम्हाल्दै पहिलो निर्णयको रुपमा मन्त्री गुरुङले २०५८ सालको दरबार हत्याकाण्डको फाइल पुन: खोल्ने निर्णय गरेको उनको सचिवालयले जनाएको छ ।

साथै, उनले केन्द्रीय अनुसन्धान ब्यूरोलाई अझै बलियो बनाउने र छानबिनमा रहेका अनुसन्धान प्रकीया टुङ्गो लगाउने र हरेक फाइल खोल्ने निर्णय गरेका छन् ।

सचिवालयकाअनुसार जेन जी आन्दोलनको फौजदारी मुद्दा फिर्ता लिने विषयमा अध्ययन गर्ने पनि निर्णय भएको छ ।

सुधन यसअघि २७ दिन गृहमन्त्री भएका थिए । सम्पत्ति स्रोतमाथि विवाद हुँदा उनीमाथि छानबिन भएको थियो । समितिबाट क्लिनचिट पाएपछि मंगलबार उनी पुन: मन्त्री बनेका हुन् ।