एमालेका यी ३३ नेता, जो दोहोरो भूमिकामा रहन पाउँदैनन्

काठमाडौं । कार्यकारी पदमा रहेकालाई दोहोरो जिम्मेवारी नदिने एमाले निर्णयका कारण कम्तीमा ३३ जना नेताले एउटा पद गुमाउनुपर्ने भएको छ । उनीहरूले जनप्रतिनिधि र पार्टीको जिम्मेवार पदमध्ये एउटाबाट अलग हुनुपर्ने छ ।

३० असारमा एमाले सचिवालय बैठकले कार्यकारी पदमा रहेकालाई दोहोरो जिम्मेवारी नदिने निर्णय लिएको थियो । बैठकको निर्णयअनुसार संघीय र प्रदेश सांसद, पालिका-नगर प्रमुख-उपप्रमुख, अध्यक्ष-उपाध्यक्षमा निर्वाचित भएका अब पार्टीको जिम्मेवार पदबाट अलग हुनुपर्ने छ ।