प्रिमियर लिगको उपाधि उचाल्न लिभरपुलले अझै कुर्नु पर्ने, आर्सनल जित्दा फेरियो माहोल

काठमाडौं । इंग्लिश प्रिमियर लिगमा शीर्ष स्थानको लिभरपुलले सहज जित निकाले पनि उपाधि कब्जा गर्न अझै एक खेल पर्खिनु पर्ने भएको छ । आइतबार राती भएको खेलमा लिभरपुलले लेस्टर सिटीलाई १-० ले हराए पनि दोस्रो स्थानको आर्सनल समेत विजयी भएसँगै पाँच खेल अगावै उपाधि हत्याउने योजना गडबड भएको हो । लिभरपुल उपाधि नजिक पुगे पनि ट्रफी उचाल्न अझै अर्को खेल कुर्नु पर्ने भएको छ ।

लेस्टरको घरेलु मैदानमा लिभरपुललाई जिताउन अलेक्जेन्डर अर्नोल्डले गोल गरे । यो जितसँगै लिभरपुलको ३३ खेलबाट ७९ अंक भएको छ । समान खेलबाट आर्सनलको ६६ अंक भएको छ ।