१ प्रतिशत बिन्दुभन्दा धेरै घट्यो वित्तीय क्षेत्रको ब्याजदर

२६ जेठ, काठमाडौं । चालु आर्थिक वर्ष वैशाख मसान्तमा वाणिज्य बैंकहरूको औसत आधार दर ४.९७ प्रतिशत कायम भएको छ ।

यो ब्याजदर गत आव सोही अवधिको तुलनामा १ प्रतिशत बिन्दुभन्दा धेरैले कम हो ।

नेपाल राष्ट्र बैंकका अनुसार गत आव वाणिज्य बैंकहरूको औसत आधार ब्याजदर ६.१७ प्रतिशत थियो । त्यसैगरी चालु आव वैशाखसम्म विकास बैंकहरूको आधार दर ६.९५ प्रतिशत र वित्त कम्पनीहरूको ७.३० प्रतिशत छ ।

२०८२ वैशाख मसान्तमा विकास बैंकहरूको औसत ब्याजदर ८.२४ प्रतिशत र वित्त कम्पनीहरूको ९.११ प्रतिशत थियो ।

२०८३ वैशाख मसान्तमा वाणिज्य बैंकहरूको निक्षेपको भारित औसत ब्याजदर ३.३५ प्रतिशत, विकास बैंकहरू ३.७० र वित्त कम्पनीहरूको ४.५९ प्रतिशत छ ।

२०८२ वैशाख मसान्तमा वाणिज्य बैंकहरूको निक्षेपको भारित औसत ब्याजदर ४.३७ प्रतिशत, विकास बैंक ५.११ र वित्त कम्पनीहरूको ६.१५ प्रतिशत थियो ।

त्यसैगरी २०८३ वैशाख मसान्तमा वाणिज्य बैंकहरूको कर्जाको भारित औसत ब्याजदर ६.७३ प्रतिशत, विकास बैंक ७.८७ र वित्त कम्पनीहरूको ९.१४ प्रतिशत छ ।

२०८२ वैशाख मसान्तमा वाणिज्य बैंकहरूको कर्जाको भारित औसत ब्याजदर ८.११ प्रतिशत, विकास बैंक ९.४५ र वित्त कम्पनीहरूको १०.३१ प्रतिशत थियो ।