शारदा थापा घटना प्रकरणमा ४ जनालाई ३ वर्ष सजाय

सिन्धुली । कमलामाई नगरपालिका–४ ढकालगाउँकी शारदा थापालाई ऋण नतिरेको भन्दै स्थानीयले शरीर बन्धक बनाई कुटपिट गरेको घटनामा सिन्धुली जिल्ला अदालतले मंगलबार सजाय निर्धारण गरेको छ । जिल्ला न्यायाधीश कमलराज विष्टको इजलासले मंगलबार सजाय तोकेको हो ।

सो घटनामा पक्राउ परेका ७ जनामध्ये ईश्वर पोखरेल, निकेश ढकाल, मिलन देवकोटा र एक्कबहादुर खड्कालाई ३ वर्ष कैद सजाय, ३०–३० हजार रुपैयाँ जरिवाना र पीडितलाई ५०–५० हजार रुपैयाँ क्षतिपूर्ति भराउने फैसला भएको छ ।