एम्बाप्पे विनाको खेलमा रियाल विजयी, भाल्भर्डले उभ्याए उपाधि दौडमा

काठमाडौं । इन्जुरी समयमा जादुई गोल गर्र्दै फेडेरिको भाल्भर्डले रियाल मड्रिडलाई ला लिगाको उपाधि दौडमा उभ्याएका छन् । जिद्दी एथ्लेटिक बिल्बाओविरुद्ध उनले इन्जुरी टाइममा गोल गर्दै रियाल मड्रिडलाई उपाधि दौडमा उभ्याएका हुन् ।

भाल्भर्डले आफ्नो बाँया खुट्टाको बाहिरि भागबाट जोडदार हाफ भोलीलाई इन्जुरी टाइमको तेस्रो मिनेटमा पोष्टको शिरोभागबाट जाली चुमाए । यो सिजन उनको यो छैठौं गोल हो । यो खेलमा फ्रान्सका अग्रपंक्ति केलियन एम्बाप्पे मैदानमा थिएनन् ।