दसैंमा अमेरिकामा समीक्षा अधिकारी, भन्छिन्- परिवारबाट टाढा हुँदा चाड नै खल्लो लाग्दो रहेछ!

गायिका समीक्षा अधिकारीले गत वर्षको दसैं अस्ट्रेलियामा मनाइन्। परिवारबाट टाढा भए पनि उनकी दिदी साथमा थिइन्। त्यसैले त्यो दसैं त्यति धेरै खल्लो लागेन। तर, यस वर्षको दसैं उनका लागि अलि फरक छ।

समीक्षा अहिले सांगीतिक कार्यक्रमको सिलसिलामा अमेरिका टुरमा छिन्। असोज ७ गते त्यसतर्फ गएकी उनको अमेरिका बसाइ एक महिना पुग्न थालेको छ। यो उनको पहिलो अमेरिका यात्रा हो। त्यसैले यो टुर उनका लागि उत्साह र नयाँ अनुभव बटुल्ने अवसर बनेको छ।