उपाधि जिताउन सफल रसेल, विराटनगरलाई बनाउलान् विजेता ?

काठमाडौं- दुई पटकका आईसीसी विश्वकप टी २० विजेता आन्द्रे रसेल यस वर्षको नेपाल प्रिमियर लिग (एनपीएल) मा विराटनगर किङ्समा आवद्ध भएका छन् । रसेलको उपस्थितिसँगै विराटनगरको टोली थप शक्तिशाली बनेको छ ।

रसेलले सन् २०१२ र २०१६ मा वेस्ट इन्डिजलाई विश्वकप दिलाएका थिए । तल्लो क्रमका विस्फोटक ब्याट्सम्यान रसेल पार्टटाइम बलर समेत हुन् । उनी डेथ ओभरमा प्रभावकारी मानिन्छन् । उनीबाट प्रेरित वेस्ट इन्डिजले सन् २०१२ मा भएको टी २० विश्वकप फाइनलमा श्रीलङ्कालाई हराउँदै उपाधि जितेको थियो । त्यस विश्वकपमा भने रसेल उपाधि विजेता टोलीमा रहे पनि प्रदर्शन स्तरीय थिएन ।