रित्तिँदै र विषाक्त हुँदै जलभण्डार

स्वच्छ जल वाष्पीकरण चक्रबाट प्राप्त हुने जल हो । यो जल मुहान, जरुवा, हिमाल, जमिनको सतहमुनि पाइन्छ । यो जलीय चक्रका आधारमा नवीकृत भई नै रहन्छ । पृथ्वीको बाहिरी सतहमा अझैसम्म स्वच्छ जलको ठूलो भण्डार रहेको छ । तथापि, २१औं शताब्दीमा कहालीलाग्दो जनसंख्या वृद्धिले यो भण्डार रित्तिने र मासिने प्रक्रिया जारी छ ।

स्वच्छ जलका लागि परिभरणको प्रक्रिया छैन । एकोहोरो दोहन मात्र जारी छ । सहरीकरण र औद्योगिकीकरणले त जलभण्डारको सातो लिन थालिसकेको छ । पहिलो त यी दुवैले अत्यधिक उपभोग गरिरहेका छन् पानीको † दोस्रो पानी अथाह र असीमित रूपमा फोहर र विशाक्त पानी पारिरहेको छ । त्यसैले, स्वच्छ पानीको माग अकासिन पुगेको छ ।