अशान्त फ्रान्स : शासक र नागरिकबीच बढ्दै गएको अविश्वास

काठमाडौँ- युरोपको सुन्दर सहर पेरिसका सडकमा आइतबार धुवाँ र आगो एकसाथ देखिए। पुरानो ढुंगे बाटोमा अश्रुग्यासको सेतो बादल उडिरहेका थिए। कतै पसलका सिसा फुटेका थिए भने कतै आगो बलिरहेको थियो। प्रहरीका गाडी दौडिरहेका थिए। प्रदर्शनकारी र प्रहरीबीच ठाउँठाउँमा झडप सामान्यजस्तो भएको थियो।

फ्रान्सेली समाजभित्र लामो समयदेखि सञ्चित असन्तुष्टि, नयाँ पुस्ताको बदलिँदो राजनीतिक चेतना, राज्यका संस्थाहरूप्रतिको अविश्वास र आगामी राष्ट्रपतीय निर्वाचनको प्रतिस्पर्धा एकैपटक सतहमा आएको विषयलाई प्रारम्भिक आकलनका रुपमा पनि लिन सकिन्छ।