राष्ट्रिय बाल दिवसका लागि नारा र कार्यक्रमको सुझाव माग

राष्ट्रिय बाल अधिकार परिषद्ले राष्ट्रिय बाल दिवस २०८३ का लागि राष्ट्रिय नारा तथा कार्यक्रमसम्बन्धी सुझाव पेस गर्न सम्बन्धित सबै सरोकारवाला निकाय, संघसंस्था, व्यक्ति तथा बालबालिकालाई आग्रह गरेको छ।

परिषद्ले भदौ २९ गते मनाइने राष्ट्रिय बाल दिवसका अवसरमा बाल अधिकारको संरक्षण तथा प्रवर्द्धनका लागि उपयुक्त हुने राष्ट्रिय नारा र कार्यक्रमसम्बन्धी सुझाव आगामी भदौ ५ गतेभित्र परिषद्को इमेल [contact@ncrc.gov.np](mailto:contact@ncrc.gov.np) मा पठाउन अनुरोध गरेको हो।