पुनः गृहमन्त्री बनेका सुधन गुरुङद्वारा पदभार ग्रहण

काठमाडौं। गृहमन्त्री सुधन गुरुङले मंगलबार पुनः पदभार ग्रहण गरेका छन्। राष्ट्रपति निवास शीतल निवासमा पद तथा गोपनीयताको शपथ लिएपछि उनी सिंहदरबारस्थित गृहमन्त्रालय पुगेर पदभार सम्हालेका हुन्।

पदभार ग्रहणपछि सञ्चारकर्मीहरूसँग कुरा गर्दै गुरुङले आफूविरुद्ध लगाइएका आरोपहरू नयाँ नभएको बताएका छन्। उनले आफूलाई विगतदेखि नै विभिन्न आरोप लगाउने क्रम जारी रहेको उल्लेख गर्दै यसलाई राजनीतिक र सामाजिक जीवनको चुनौतीका रूपमा लिएको बताए।