झोलुङ्गे पुल बगेपछि तुइनमा यात्रा

२ भदौ, जाजरकोट । भेरी करिडोरअन्तर्गत जाजरकोटको नलगाड नगरपालिका–१० र ११ को बीचमा पर्ने ताक्सुगाड खोलामा झोलुङ्गे पुल र सडक बगेपछि जाजरकोट, रुकुम पश्चिम र डोल्पाका स्थानीयवासी तुइनमार्फत जोखिमपूर्ण यात्रा गर्न बाध्य भएका छन् ।

ताक्सुगाड वारपार गर्न स्थानीयवासीले अस्थायी रूपमा तुइन निर्माण गरेका छन् । स्थानीय शिक्षक धनिराम ठकुरीका अनुसार अहिले यही तुइनबाट मानिसहरू खोला वारपार गरिरहेका छन् ।