कांग्रेस नेताहरूले रिट दर्ता नगर्न दबाब दिए, धम्की आयो, प्रहरी पछि लगाइयो: ज्ञानेन्द्रराज आरण [भिडियो अन्तर्वार्ता]

माओवादीको दशक लामो हिंसात्मक विद्रोहका एक जना पीडित, ज्ञानेन्द्रराज आरणले प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ विरुद्ध सर्वोच्च अदालतमा रिट दर्ता नगर्न आफूलाई थुप्रै धम्की आएको र ज्यान बचाउन लुकी–लुकी हिँड्नुपर्ने बाध्यता आएको गुनासो गरेका छन्। मंगलबार आरणसहित २४ जना द्वन्द्वपीडितले दाहालविरुद्ध दिएको रिट सर्वोच्चले दर्ता गरेको छ।