भीमफेदीमा न्यायाधीश सवार सरकारी स्कर्पियो ५० मिटर तल खस्यो, ६ जना घाइते

हेटौंडाबाट काठमाडौं प्रवेश गर्ने छोटो दूरीको वैकल्पिक मार्गअन्तर्गत मकवानपुरको भीमफेदीमा सरकारी स्कर्पियो दुर्घटना हुँदा उच्च अदालत जनकपुर, वीरगन्ज इजलासका प्रमुख न्यायाधीश गोकर्ण डाँगीसहित ६ जना घाइते भएका छन्।

मंगलबार बिहान काठमाडौंँबाट हेटौंडातर्फ आउँदै गरेको प्रदेश–३–०१–००२ झ ५१८३ नम्बरको सरकारी स्कर्पियो भीमफेदी गाउँपालिका–६ जुरीखेतमा सडकको डिभाइडरमा ठोक्किएर करिब ५० मिटर तल खसेको प्रहरीले जनाएको छ।