राजस्व छलीमा संलग्नविरुद्ध ४५ करोड माग दाबी मुद्दा

काठमाडौं । राजस्व अनुसन्धान विभागले राजस्व छलीमा संलग्न दुई जनाविरुद्ध ४५ करोड २७ लाख ६२ हजार ४६ रुपैयाँ माग दाबीसहित उच्च अदालत पाटन ललितपुरमा मुद्दा दायर गरेको छ ।

विभागले नक्कली बिल जारी गरी राजस्व छलीमा संलग्न सर्लाही ब्रह्मपुरी नगरपालिका–२, सखुबाबा स्थाई घर भई काठमाडौं–१४ कुलेश्वर रहेको अंकुश सप्लायर्स एन्ड ट्रेडर्सका प्रोपराइटर प्रवीणकुमार महतो र बारा भवानीपुर नगरपालिका–८ युनिक ट्रेडर्स एन्ड इन्टरप्राइजेजका आत्मराम पासवानविरुद्ध मुद्दा दायर गरेको हो ।