माईखोलामा झोलुङ्गे पुल बनेपछि स्थानीयलाई सहज, आवतजावतको दुःख हट्यो

काठमाडौं– इलाम नगरपालिका–८ र १० जोड्ने काइलाटारमा माईखोलामाथि झोलुङ्गे पुल निर्माण भएपछि स्थानीयवासी खुसी भएका छन् । पुल निर्माणसँगै वर्षायाममा माईखोला वारिपारि आवतजावत गर्नुपर्ने कठिनाइ हटेको छ ।

कोशी प्रदेश सरकारको लगानीमा आर्थिक वर्ष २०८२र८३ मा निर्माण गरिएको उक्त झोलुङ्गे पुल १७९ मिटर लामो छ । पुल निर्माणमा ८४ लाख ७१ हजार ४६० रुपैयाँ खर्च भएको छ । पूर्वाधार विकास कार्यालय, इलामका प्रमुख रञ्जय सिंहका अनुसार तिल्केनी–सिलपुर सडकअन्तर्गत पर्ने काइलाटारमा पुल निर्माण भएपछि स्थानीयलाई आवतजावतमा सहज भएको छ ।