‘निर्माण क्षेत्रमा अहिलेको जस्तो समस्या पहिले कहिल्यै देखेको थिइनँ’

भुक्तानी नदिएको भन्दै निर्माण व्यवसायीहरू केही महिनाअघि सरकारविरुद्ध सडक आन्दोलनमा उत्रिएका थिए । सरकारबाट ७० अर्ब रुपैयाँभन्दा बढी भुक्तानी आउन बाँकी रहेको भन्दै उनीहरू सडकमा आएका थिए ।

यता तत्कालीन अर्थमन्त्री डा. प्रकाशशरण महतले भने अघिल्लो सरकारले बिना बजेटका आयोजना अघि बढाउँदा भुक्तानीमा समस्या परेको सार्वजनिक मञ्चहरूमा बताउँदै आइरहेका थिए । यसरी सरकार र निर्माण व्यवसायी भुक्तानी पाउनुपर्ने विषयमा आपसी द्वन्द्वमा पर्दा समग्र निर्माण उद्योग र पूर्वाधार निर्माणको क्षेत्र छायामा परेको थियो ।