स्वास्थ्य मन्त्री र अमेरिकी कार्यवाहक राजदूतबिच शिष्टाचार भेटवार्ता

काठमाडौँ । स्वास्थ्य तथा खाद्य स्वच्छता मन्त्री निशा मेहता र नेपालका लागि संयुक्त राज्य अमेरिकाका कार्यवाहक राजदूत मिस्टर स्कट अर्बोमबिच औपचारिक शिष्टाचार भेटवार्ता भएको छ ।

मंगलबार भेटवार्ताका क्रममा नेपाल र अमेरिकाबिच रहिआएको घनिष्ठ सम्बन्धका साथै लामो समयदेखि स्वास्थ्य क्षेत्रमा हुँदै आएको द्विपक्षीय सहयोग र सहकार्यका विविध पक्षमा गहन छलफल भएको थियो ।