राष्ट्र बैंकले सेयर धितो ऋणमा गर्‍यो कडाइ : ऋणको ग्राहक सीमा ४ करोड तय

काठमाडौं : नेपाल राष्ट्र बैंकले मौद्रिक नीति कार्यान्वयन गर्दै सेयर धितो ऋणमा कडाइ गरेको छ। मौद्रिक नीतिमा भएका कार्यक्रमहरु कार्यान्वयन गर्न मंगलवार निर्देशन जारी गर्दै राष्ट्र बैंकले सेयर धितो ऋणमा कडाइ गरेको हो।

राष्ट्र बैंकले सेयर धितो ऋणको ग्राहक सीमा ४ करोड तय गरेको छ। यो एउटा संस्थाको सीमा हो। सबै गरेर १२ करोडभन्दा बढी लिन पाइने छैन। यदि अहिले कसैले चलाइरहेको भए त्यसलाई एक वर्षभित्र सीमाभित्र झारिसक्नु पर्ने छ।