अमेरिकी आप्रवासी हिरासतमा १८औँ मेक्सिकन नागरिकको मृत्यु, मेक्सिकोद्वारा निन्दा

अमेरिकी राष्ट्रपति डोनाल्ड ट्रम्पले दोस्रो कार्यकाल सुरु गरेयता आप्रवासी हिरासतमा १८ औँ मेक्सिकन नागरिकको मृत्यु भएपछि मेक्सिको सरकारले घटनाप्रति गहिरो चिन्ता व्यक्त गर्दै निन्दा गरेको छ ।

मेक्सिकोको विदेश मन्त्रालयका अनुसार, पछिल्लो मृत्यु अमेरिका–मेक्सिको सीमामा पर्ने लारेडो सहरस्थित आप्रवासी प्रशोधन केन्द्रमा भएको हो । मन्त्रालयले मृतकको पहिचान सार्वजनिक नगरे पनि उनका परिवारसँग सम्पर्क गरिएको जनाएको छ ।