पूर्वप्रधानमन्त्री इमरान खानलाई अस्पताल सार्न सर्वोच्च अदालतको आदेश

पाकिस्तानको सर्वोच्च अदालतले मंगलबार पूर्वप्रधानमन्त्री इमरान खानलाई जेलबाट अस्पताल सार्न आदेश दिएको छ।

उनी रावलपिन्डीको अदियाला जेलबाट इस्लामाबादको शिफा अस्पतालमा दुई दिनभित्र (४८ घण्टाभित्र) सारिनेछन्। उनी सेप्टेम्बर १६ मा हुने अर्को सुनुवाइसम्म अस्पतालमै बस्नेछन्। यो निर्णयसँगै उनको पार्टी पाकिस्तान तहरीक-ए-इन्साफ (पीटीआई) ले महिनौंदेखि गर्दै आएको माग पूरा भएको छ।