हिमाल चिनौं

पूर्वको नुम्बुरदेखि पश्चिमको अन्नपूर्णसम्मका हिमाल देखिने काठमाडौं उपत्यकाकै हामी अधिकांशलाई तिनको नामसम्म थाहा छैन।

मललितपुर, गोदावरीस्थित सेन्ट जेभियर्स स्कूलमा पढ्थें। पादरीहरू हामीलाई प्रत्येक डिसेम्बर पहिलो साता फूलचोकी लगेर हिमालहरू चिनाउँथे। तीमध्ये खास थिए- पादरी जेम्स दोनली। उति वेला अहिले जस्तो प्रदूषण थिएन, काठमाडौंबाट प्रायः सधैं हिमाल देखिन्थे। त्यहींबाट हिमशृङ्खलाहरूप्रति मेरो लगाव बस्यो। हाइस्कूल सकिएपछि म हिमालका तस्वीर खिच्न थालें।