बाढीपहिरोले बेनी–जोमसोम–कोरला सडकमा एक अर्ब क्षतिको प्रारम्भिक अनुमान

काठमाडौँ। हालैको मनसुनजन्य विपद्का कारण चीन र भारतलाई जोड्ने राष्ट्रिय गौरवको बेनी–जोमसोम–कोरला सडकखण्डमा करिब रु एक अर्ब बराबरको भौतिक संरचनामा क्षति पुगेको प्रारम्भिक अनुमान गरिएको छ।

गत असोज ८ देखि ११ गतेसम्मको भारी वर्षापछि आएको पहिरो तथा कालीगण्डकी नदीको बाढी र कटानका कारण यो सडकखण्ड क्षतविक्षत भएको हो। बेनी–जोमसोम–कोरला सडक योजनाका प्रमुख तेजस्वी शर्माका अनुसार कालीगण्डकीको बाढीले १० ठाउँमा सडक बगाएको तथा ५० भन्दा बढी ठाउँमा पहिरोले क्षति पुर्‍याएको छ।