विद्यार्थीको व्यक्तिगत विवरण अनधिकृतलाई नदिन शिक्षा केन्द्रको निर्देशन

शिक्षा तथा मानव स्रोत विकास केन्द्रले विद्यार्थीहरूको व्यक्तिगत विवरण अभिभावकको स्वीकृतिबिना कुनै पनि अनधिकृत व्यक्ति वा संस्थालाई उपलब्ध नगराउन देशभरका विद्यालयलाई निर्देशन दिएको छ।

केन्द्रका निर्देशक निलकण्ठ ढकालद्वारा जारी परिपत्रमा विद्यार्थीको नाम, थर, जन्ममिति, सम्पर्क नम्बर तथा इमेलजस्ता व्यक्तिगत विवरण अनधिकृत व्यक्ति वा संस्थालाई उपलब्ध गराइएको र त्यसबाट विद्यार्थीहरू मानसिक दबाबमा परेको भन्दै विभिन्न उजुरी तथा गुनासा प्राप्त भएको उल्लेख गरिएको छ।