पछिल्लो ११ महिनायता श्रीलङ्कामा ५.४ अर्ब डलर विप्रेषण भित्रियो

कोलम्बो– सन् २०२३ को पहिलो ११ महिनामा श्रीलङ्काका आप्रवासी कामदारहरूले ५.४ अर्ब अमेरिकी डलर पठाएको यहाँको केन्द्रीय बैङ्क (सीबीएसएल)ले जारी गरेको एक तथ्याङ्कले देखाएको छ ।

‘कामदारहरूले नोभेम्बरमा ५३ करोड ७३ लाख अमेरिकी डलर विप्रेषण पठाएका छन्, जुन गत वर्षको सोही महिनाको ३८ करोड ४० लाखको डलरको तुलनामा ४० प्रतिशतले बढी हो,’ सीबीएसएलको तथ्याङ्कमा उल्लेख छ ।